اعرف "الزتونة اللي تعدي الCV من أول قراءة

  زي ما كلنا عارفين الCV هو وسيلتك الرئيسية عشان تدي انطباع كويس عن نفسك في الوظيفة الي انت مقدملها ، الCV اول واهم خطوة عشان تعرف صاحب الشغل انت مين وتقدر تعمل ايه وليه هو يضيع جزء من وقته ويعمل لك انترفيو . وخاصة في الوقت الحالي مع صعوبة الحصول على عمل ووجود عدد كبير من الراغبين في الحصول على عمل كل صاحب شغل بينزل قدامه عدد كبير جدا من الCV هات عشان يختار منهم. وطبقا لدراسة حديثة زي ماتكلمنا قبل كدا  ، اثبتت الدراسات التجريبية ان اصحاب العمل مبيدوش اي CV قدامهم اكتر من 6 ثواني.   6 ثواني بالظبط بيبص فيها على الCV ويقرر بعدها هل هيكمل قراية ويحط الشخص دا في اعتباره ولا لأ، ولهذا السبب، كتير جدا من الناس المؤهلة لوظائف كتيرة بيتم تجاوزهم لأن ببساطه المعلومات “الأكثر اهمية” مكنتش موجودة في الاماكن البارزة في الCV وصاحب الشغل او موظف الHR مشافهاش !.  عشان كدا جبنالكم النهارده من The Write Future  وهي شركة امريكية متخصصة في الكتابة المحترفة للCV عشان نحللها ونشرح القواعد الاساسية للحصول على CV قوي ومؤثر !.

1 – الHeader لازم يكون فيه كل المعلومات الرئيسية

قد تبدوا ليكم نقطة بدائية جدا ، لكن هفاجأكم واقولكم ان كمية الCVهات الي شفتها البيانات الرئيسية مكتوبة غلط فيه كتيرة جدا او ناس مش كاتبة بيانات الاتصال بيها اصلا ، لا ايميل ولا رقم تليفون ولا حاجه  !، لازم تتأكد كويس ان بيانات الاتصال بيك موجودة وواضحة . الHeader الصح لازم يتضمن اسمك ، رقم تليفونك ، الايميل بتاعك ، الURL بتاعك لو عندك لينكد ان (لازم يبقى عندك !) ، واحيانا عنوانك (موضوع خلافي، حسب الشغلانة).

  2 – وضح مسماك الوظيفي (لو ينفع)

  3 – اكتب Professional Summary قوي في البداية متكتبش Objective ضعيف

من الغلطات الشائعة جدا جدا هو موضوع الObjective ، وعادة بيكون جمل ضعيفة غامضة وغير محددة زي : “Professional looking to use education and skills to grow and be challenged” جملة سخيفة وملهاش اي معنى ولا حد مهتم بيها.   لكن الProfessional summary عبارة عن فقرة مقتضبة من 2 ل 5 جمل بتحدد وتوضح Highlight  مهاراتك المهمة الي ليها علاقة بالشغل Key job-specific skills ، وخبرتك في المجال والصناعة دي ، واتأكد انك تضيف كل القدرات والمهارات الي “ليها علاقة بالشغلانة” الي انت مقدم عليها.

4 – زود قسم Area of expertise

‫دي مساحة بتضيف فيها زي keywords كد لمهاراتك الرئيسية المتعلقة بالشغل، بتوري الي بيبص بسرعة قدراتك الي ليها علاقة بالشغل ولو بيستخدم نظام او سوفتوير في الفلترة (او لو بتملى السي في كابليكيشن اونلاين) بيبقى بيسيرش بالkey words دي ودا بيعلي فرصك في الاختيار.

5 – اسم الشركة ، تاريخ التوظيف ومركزك في الشركة لازم يكونوا مكتوبين بشكل واضح جدا لاي حد بيبص على الCV

في قسم الProfessional experience وانت بتحط شغلك اتأكد من ان الحاجات دي مكتوبة بفونت كبير وواضح ومتشاف من التظرة البعيدة، دي الاجزاء الاكيد الي ايrecruiter بيبص على الCV عينه هتروح عليها.

6 – ترتيب زمني عكسي

حط خبراتك في الشغل بترتيب زمني عكسي، يعني الشغل الاجدد تحطه قبل الاقدم ، لأن اصحاب الشغل مش مهتم اوي بشغلك القديم، مهتمين اكتر بخبرات شغلك الحديثة والقريبة، الشغل الحالي اكتبه بالpresent tense والقديم بالpast tense.

7 – فونت بسيط ومقروء وبلاش لعب كتير

بين انك مبدع بطرق مختلفة لا تتضمن فونت Comic Sans . استخدم فونت واحد بسيط وسهل وواضح زي Arial او Calibri (المفضل في رأيي الخاص) و Books Antique اختيارات ممتازة. اتأكد طبعا ان الفونت لونه اسود مش ازرق ولا رمادي غامق واكيد مش احمر ولا اخضر ولا السي في يكون فيه اي الوان غير الاسود!.

8 – متستخدمش ضمائر

متستخدمش اي ضمائر في الCV ، والاكيد انك بلاش تتكلم بصيغة الضمير الغائب او الthird person ابدا !، الCV بيتكتب بافتراض ان الي كاتب انت ، اكتب الجمل كأن اولها I بس متكتبش الI ابدا. اقرا الجمل الي فوق في الCV كويس هتلاحظ الموضوع دا.

9 – متحطش صورة ، اكرر متحطش صورة

للمرة الألف ، بكل وضوح ، لو منطلبش منك بشكل واضح كمتطلب للتقديم، متحطش صورة. الا لو مقدم على شغلانة ممثل او موديل.  

 10 – فرق بوضوح بين الانجازات Achievements والمسؤوليات Responsibilities

  المسؤوليات حلوة مفيش كلام ، لكن عادة بتكون عامة اوي ومش بتدل على نجاحاتك وانجازاتك في الشغل. اتأكد انك فاصل كويس بين الاتنين. يعني اكتب في بلوك فقرة واضحة في الاول ايه هي مسؤولياتك في الشغلانة الي انت فيها ، وايه الحاجات الرئيسية المفروضة الي بتعملها بشكل يومي. وبعد كدا تحتها في نقاط انجازاتك الشخصية في الشغل والفرق الي عملته، طبعا للمبتدئين والناس الي مشتغلتش كتير مفيش مشكلة لو مفيش انجازات تحطها اكتب مسؤولياتك في شكل نقط.

  11 – خلي تركيب جملك Result-driven يعني مركز على النتيجة و رقمي quantified

  صاحب الشغل عادة بيهتم اكتر بانت عملت ايه رقميا، نتايج انجازاتك وافعالك اكتر من واجباتك اليومية. مهم جدا تحاول تخلي انجازاتك متحولة لارقام محسوسة، زي مثلا : “Generated $25K in first year by establishing key sales relationships and making 100+ outgoing calls daily.”

‫12 – استخدم keywords ذات معنى

حاول تستخدم كتير keywords قوية بس بشكل استراتيجي ومتوزعة بذكاء، كلمات زي generated, facilitated,implemented,achieved,pioneered بتفرق جدا، بس وزعها بشكل كويس في الCV عشان متبقاش مصطنعة.

13 – تعليمك لازم يبقى واضح في مكانه الصحيح

لو انت لسه متخرج وبتقدم في وظيفة جديدة، يبقى تعليمك وشهادتك هم الحاجة الي بتبيعها للHR فلازم يكونوا فوق في الاول، لكن لو انت اشتغلت اكتر من كدا، يبقى العكس، تعليمك اهميتة بتقل وخبرة الشغل بتكون اهم، ساعتها التعليم تحطه تحت في آخر الCV

14 – مكتوب بشكل محترف

  بتفرق جدا لما صاحب الشغل بيحس ان الCV محترف ، كتابة CV بشكل يدي انطباع احترافي بيوضح كويس امكاناتك وخبراتك وبيدي انطباع ممتاز عنك لصاحب الشغل، الFormat المحترف والفونت البسيط السلس والشكل المحترف العام للCV بيفرق اكتر مما تتخيل، لازم تتأكد دايما ان الCV متظبط كشكل وformat والفاظ كتابة، دا كمان بيخليها اسهل في المرور والاختيار في التقديم الاونلاين ودا بقى كتير جدا جدا جدا دلوقتي.

‫

اقرء المزيد

طريقك كيف تسوق لنفسك عن طريق لينكد إن

لسه LinkedIn محيركم ومش عارفين تتعاملوا عليه أزاى !!! 

بنقولكم متقلقوش فى مقالنا ده هتلاقوا كل حاجه ممكن تحتاجوها عن LinkedIn وبمنتهى السهوله.بس تعالوا نتعرف عليه أكتر فى الأول.

لينكد ان هو موقع على شبكة الانترنت يصنف ضمن الشبكات الاجتماعيه تأسس فى ديسمبر عام 2002 وبدأ التشغيل الفعلى فى 5 مايو 2003 وهو يستخدم كشبكة تواصل مهنيه وبيساعدك توصل لحاجات كتير زى (وظايف - منح - تدريبات صيفيه) بس طبعا كل ده مش هيجيلك اول ما تعمل اكونت عليه لآ طبعا انت لازم تكون عامل بروفيل عليه وهنا البروفيل بيكون زى C.V بتاعك بالظبط طيب تبدى ازاى عليه :

1- Professional Name :لازم اسمك يكون واضح ويكون اسمك الرسمى محدش يكتب اللقاب 

2- Professional photo :تحط صوره ويكون وجهك واضح فيها عشان الناس تقدر تتعرف عليك بسهولة
 
3- Customize your (URL) Watch this video :http://bit.ly/Lurl01
4- connections :عدد الناس اللى عندك حاول تخليه يوصل +500 ولو عايز تعرف ازاى جوجل على الموضوع ده 

5- طيب فى حاجات كتير فى البروفيل بتاعك تقدر تضفها والموقع مخليها متاحه ليك عشان البروفيل بتاعك يبقى كامل 100% وده طبعا هيزود فى البروفيل بتاعك زى ايه :

- Summary - Experience - Projects - Certifications - Courses - Honors & Awards - Skills & Endrosements
- Volunteer Experience & Causes 

وهنتكلم عن بعضهم بالتفصيل قدام شويه. 
طيب كل حاجه من الحاجات دى بتساعدك انك يكون عندك بروفيل كامل على Linkedin وده اللى انت هتظهر بيه للعالم كله بيه وهيعرفوا عنك اكتر من خلاله....كله يعمل اكونت دلوقتى وحاولوا على قد ما تقدروا تظهروا نفسكم وتحطوا كل حاجه فى البروفيل عنكم تميزكم عن غيركم وعن منافسينكم فى نفس المجال.
طيب معظمنا بيفتكر انه بعد ما عمل البروفيل بتاعه يبقى خلاص كده انا هيجيلى شغل وكل حاجه انا عايزها لغاية عندى (لآ) انت لازم تكون ظاهر عليه بشكل متواصل النهارده بقى هنتكلم ازاى تبان اكتر على (Linkedin) :

1- Share an update :طيب زى ما الناس على الفيس بتكتب على طول بوستات على (Linkedin) اعمل برضه نفس الموضوع بس فى حاجة تفيد الناس ويفضل تكون فى مجالك عشان تعرف الناس بيك اكتر ويعرفوا انك بتحب المجال ده عشان لو جت فرصه قدامهم تكون انت اول واحد هيرجعوله ويبلغوك بيها لآنك بينت اهتمامك بالمجال ده فى البوستات بتعتك وتشير حاجات بس حط التاتش بتاعك فى الشير ده لانك لو شيرت وخلاص تبقى معملتش حاجه او حتى تحط حاجه مش فى مجالك تساعد بيها غيرك سواء معلومه مفيده او حاجه تساعد بيها عموما فى حياتهم المهنيه..

2- Join Groups :حاول تنضم لعدد كبير من الجروبات وتشارك فيها بأنك تعلق على البوستات بتاعت الناس وتشارك برأيك وكمان تكتب بوستات وتشير حاجات وبيبقى فى بار على الجمب فى كل جروب بيزيد كل لما تكون مشارك اكتر مع الناس اللى حوليك حاول على قد ما تقدر تكزن ظاهر فى الجروبات..

3- Help Others :حاول دايما انك تقدم المساعده للناس مش لازم تستنى حد يساعدك الاول ابتدى انت الاول بالمساعده لو حد محتاج فايل مثلا او معلومه ساعدوا يوصل ليها ولو حد اشتغلت معاه قبل كده اعمله (Recommendation) وأعمله (Endrose) فى المهارات اللى انت شايفها فيه متستناش الناس أبدا انت...

ازاى يكون (Profile) بتاعك من اقوى الصفحات على (Linkedin) :

2- Headline :هنا معظم الناس بتكتب هى بتشتغل ايه وخلاص لآ هنا حاول تعرض شغلك وكمان الميزه اللى بتميزك فيه عن اى حد تانى او انت بتضيفها لشغلك وبتخليك متميز فيه عن اى حد تانى فى نفس المجال..

3- Summary :متخليش (Summary) بتاعك معمول (Copy) من السى فى بتاعك فلازم هنا تكتب حاجات كتير عن نفسك عشان تعرف الناس بيك اكتر طيب الاول اكتب انت مين وعرف الناس بشخصيتك / وبعدين اكتب عن مجال شغلك وأزاى انت بدأت فيه / وبعدين اكتب عن ايه اللى بتعمله بيخليك تكون مميز عن الباقى المنافسين ليك فى نفس المجال / عرف الناس ان انت ممكن تساعدهم لو حبين يدخلوا فى نفس المجال / وبعد كده عرفهم ازاى يتواصلوا معاك (Contacts) بتعتك وحاول دايما تحط اسم مجالك فى (Summary) لان دى هيساعدك تظهر فى البحث..

4- Experience :طيب هنا معظم الناس بتكتب الوظيفة اللى هى شغاله فيها وخلاص طب ليه انت ممكن تكتب انت بتعمل ايه فى الوظيفه دى وتعرف الناس بيها أكتر لآن ممكن حد يكون بيزور البروفيل بتاعك وعايز يعرف اكتر عن حاجه انت بتشتغلها وهو مش عارف هى ايه الوظيفه دى / فأنت كده بتكون ضفتله حاجه مفيده عشان بس زار البروفيل بتاعك / حاجه كمان ممكن تكتب حاجه انت حصلت معاك فى الشغل او حاجه انت ضفتها للشغل بتاعك اثرت فيه وفى الناس اللى شغلين معاك ودى تبقى حاجه احلى وهتظهر للناس بأنك شخص مميز فى مجالك ودايما بتضيف حاجه فيه... 

1- فى حاجه اسمها (Honors & Awards) : هنا بقى انت ممكن جوايز اللى انت حصلت عليها مثلا فى نشاط انت كنت متطوع فيه نتيجه لتفانيك فى العمل او كنت انت ومجمعتك عندكم مشروع وحصلتوا على تمويل للمشروع بتعكم او لو تم اختيارك فى شركتك او فى نشاط معين كأحسن شخص او أفضل شخص هناك...

2-Projects :طيب فى الجزء ده انت ممكن تحط حاجات انت عملتها فى حياتك زى مثلا لو كنت اديت محضره فى مكان معين او كنت اشتركت فى ورك شوب قبل كده فى مكان معين...

3-Certifications :تقدر تحط فى الجزء ده الشهادات اللى انت حصلت عليها سواء فى كورس او كنت مشترك فى حاجه قبل كده وخدت شهاده منها وتقدر كمان تحط شهاده لكورس اونلاين انت خدته...

4-Skills & Endorsements :وهنا (Linkedin) بيتيح ليك انك تحط المهارات بتعتك بحيس ان الناس تعرفك اكتر وتقدر تتعلم منك وكمان بيتيح للناس اللى عندك انهم يعملولك تاكيد على ان المهاراه دى عندك فعلا اللى هى بتظهر لما تيجى تزور بروفيل حد ويقولك (Endrose) كده انت بتعمل تأكيد للشخص على ان المهاراه دى عنده فعلا ومؤخرا كمان فى ميزه جديده ظهرت مؤخرا انك تقدر ترتب المهارات دى بالترتيب بحسب الحاجات اللى انت عايزها تظهر الاول للناس...

لينكد أن بسيط ومع الوقت هيبقى بسيط جدا بالنسبالك وهتقدر تتعامل معاه أكتر لما تشتغل عليه كتير. لو المقال عجبك شير وأنقل الاستفاده لغيرك.

اقرء المزيد