‫22 تعديل ونصيحة سريعة هيساعدوك تحول الCV بتاعك من عادي الى رائع في دقائق معدودة

‫الCV هو اهم خطوة في مشوار البحث عن وظيفة، هو الوثيقة الاولى الي بتعرف صاحب العمل بيك وعلى اساس انطباعه عنها بيقرر يديلك فرصة تاخد خطوة كمان ولا يستبعدك من دلوقتي..

‫وأغلب المتخرجين حديثا او حتى الي عندهم خبرة معقولة في العمل ، بتنقصهم مهارة صناعة CV جاذب..

‫عشان كدا قررنا بالتعاون مع Career Advancers نزودكم ب22 تعديل ونصيحة سريعة ممكن تعمله في الCV بتاعك هيحوله من عادي لرائع ومش هياخد منك وقت !

‫

1- استخدم فونت واضح ونضيف  Helvetica  او Arial مثلا

‫2- امسح “References Available Upon Request” ، صدقني، لو عايزين هيطلبوا 

3-امسح الObjective، هم عارفين كويس انك عايز تشتغل في شركة كبيرة تزود خبراتك وانت تضيف ليها، والا انت قدمت عندهم ليه ؟

4-الspelling check مهم اكثر مما تتخيل، اي غلطة فيه كفيله ان صاحب العمل يرمي الCV بتاعك علطول

5- احفظ الCV بفورمات PDF ، متعبتش CV وورد، الPDF شكله محترف اكتر وانضف

6-خلي اسم ملف الCV بتاعك “First Name] [Last Name] Resume]”، ويفضل كمان كل ما تبعت لشركة تزود في اسم الملف اسم الشركة، شكلها انضف وبيدي انطباع انك اعتنيت بيه

7-شيل العنوان، لو ساكن بعيد ممكن جدا الHiring manager يستبعدك بدري، صدقني شفتها كتير.

8-اعمل بروفايل على Linkedin وضيفه في الCV

9- خلي اي لينك في الCV بتاعك لينك حقيقي ينفع يتداس، بنسبة كبيرة الي هيشوف الCV هيشوفه على كمبيوتر، خليها اسهل عليه انه يشوف بياناتك

10-لو متخرج بقالك اكتر من 3 سنين، شيل سنة تخرجك اكتب بس انت متخرج منين وشهادتك، متديلوش الفرصة يحاسبك على سنك سواء اكبر من اللازم او اصغر

11- لو اشتغلت قبل كدا، في ترتيب الCV خلي خبرات الشغل الاول والتعليم تحتها، اغلب الوقت الي هيعينك مهتم اكتر بخبراتك في العمل مش تفاصيل دراستك

12- لو مانتاش خريج جديد، متهريش كتير في سكشن التعليم، اكتب بس متخرج منين وشهادتك ايه، ولو فيه حاجات استثنائية اوي عملتها ايام الكلية، مدرستك مش مهمة خالص

13-جزء الSkills مهم جدا، فكر كويس وحط فيه المهارات المهمة الي ليها علاقة بالشغل، متكتبش الحاجات القديمة، محدش عايز يعرف انك بتعرف ميكروسوفت وورد!

14-اتأكد كويس ان الFormatting واحد طول الCV، كل العناوين بنفس الفونت والحجم الكلام بنفس الفورمة، عشان دا بيدي انطباع مهم

15-حاول دايما الCV بتاعك يكون قصير ميزيدش عن صفحتين

16- لو انت مش مقدم في شغلانة creative او بصرية زي مصمم جرافيك او كدا، تجنب بشدة يكون فيه اي صور في الCV

17- باستثناء اذا طلب بشكل واضح، شيل صورتك من على الCV

18-لو عندك فراغ عدة شهور ما بين شغلانات انت اشتغلتها، بدل ما تكتب الstart and end dates بالشهور، خليه بالسنين

19- لو اشتغلت اكتر من شغلانة في نفس الشركة، حط اسم الشركة بفونت bold وتحتيها شغلانة شغلانة بفونت اصغر وتفاصيل تختها بفونت اصغر

20- اقرا الCV سطر سطر، واتأكد ان مفيش كلمات يتيمة في سطور لوحدها، حاول تعدل السطر الي قبلها عشان تخلي الكلمة دي تطلع فوق، دا بيخلي شكل الCV انضف كتير

21- ما تحطش تفاصيل في اي شغلانة تتخطة ال4-5 نقاط، محدش هيقرا كل دا

22- حدث بروفايلك على linkedin قدر المستطاع

نتمنى التعديلات والنصايح دي تفيدكم في مشواركم الجي في البحث عن عمل ، لو عندك نصايح او تعديلات، شاركنا في الكومنتات !

شارك هذه الصفحة وتابعنا على صفحاتنا الرسمية

شارك الموضوع →

تويت

تابعنا →

إنشر الموضوع →